„რუსეთის მიერ ოკუპირებულ აფხაზეთში მორიგი სამხედრო სწავლების ჩატარება საერთაშორისო სამართლის ნორმების დარღვევაა“

2017-09-13 18:06:48
243

საქართველოს შეიარაღებული ძალების გაერთიანებული შტაბის უფროსი ვლადიმერ ჩაჩიბაია ოკუპირებულ აფხაზეთში მიმდინარე სამხედრო სწავლებას საერთაშორისო სამართლის ნორმების დარღვევად აფასებს.

„რუსეთის ფედერაციის შეიარაღებული ძალების 49-ე არმიამ სასწავლო მზადყოფნა გამოაცხადა. სწავლებებში ოკუპირებულ აფხაზეთში დისლოცირებული მე-7 ბაზაც ჩართულია. წვრთნებში 2 ათასი სამხედრო მოსამსახურე და 300 სამხედრო ტექნიკა მონაწილეობს. ოკუპირებულ აფხაზეთში მიმდინარე სწავლება არაკონსტიტუციურია. ამასთან, საერთაშორისო სამართლის ნორმები ირღვევა და რა თქმა უნდა, საფრთხის შემცველია“, - განაცხადა ჩაჩიბაიამ.