საპოლიციო ძალებმა – სპეციალური დანიშნულების რაზმმა, საპატრულო და კრიმინალური პოლიციის თანამშრომლებმა დატოვეს რუსთაველის გამზირი. მათ გასვლას დემონსტრანტები აპლოდისმენტებით შეხვდნენ, ასევე იყო შეძახილი, ხვალ შევხვდებით“ – 1 მაისს ასევე პარლამენტთან 19:00 საათზე მორიგი აქციაა დაანონსებული „აგენტების კანონის“ წინააღმდეგ.

სპეცრაზმელთა ნაწილმა ჩიტაძის ქუჩაზე აინაცვლა, სადაც სახელმწიფო დაცვის სპეციალური შენობაა განთავსებული, ხოლო ნაწილმა სპეცტექნიკასთან ერთად – თავისუფლების მოედნისკენ.

მომიტინგეები კვლავ პარლამენტთან დაბრუნდნენ.

მანამდე საპოლიციო ძალებმა რამდენჯერმე დაარბიეს მომიტინგეები სპეციალური საშუალებების გამოყენებით, ასევე ცემდნენ მომიტინგეებს, პოლიტიკოსებს, ჟურნალისტებს.

მომიტინგეები იხევდნენ უკან, შემდეგ კვლავ ბრუნდებოდნენ პარლამენტთან.