„მინდა, გვერდით დაუდგე ყველას, ვინც რუსთაველზე დგას. ჩვენ, მორაგბეებს, ყოველთვის ჩვენი სიტყვა გვეთქმოდა საქართველოს უახლეს ისტორიაში და სულ ავანგარდში ვიყავით ეროვნული გათავისუფლების ბრძოლაში. და მერე ეროვნული სპორტის ჩამოყალიბებაში. არ მინდა, არავის არაფერი ჭკუის სწავლების მაგვარი გამომივიდეს, მაგრამ აშკარად ჩანს, ეს “ოცნება” რა და ვინ არიან და ნუ დაუდგებით გვერდით მაგათ. ჩემი პირადი თხოვნაა, რაგბის არ ეკადრება ეგ. იფიქრეთ მაგაზე. ამხელა ფორიაქი და ძალადობა ერთი კანონის გამო ატეხეს. საშიში და გარყვნილი ფულით და ძალაუფლების ჟინით ხალხია, რად უნდა ამას გამადიდებელი შუშა. და გაეცალეთ ამ “ოცნებას”, ამდენი ხალხის ნაშრომს და ნაწვალებს და ნაომარს ნუ წაშლით, ნუ იკადრებთ. საქართველო ევროპაა", - ამის შესახებ მორაგბე, მწვრთნელი ზაალ ლეჟავა სოციალურ ქსელში წერს.