16-04-2024 10:17:06 მსოფლიო
რუსულმა ძალებმა უკრაინის წინააღმდეგ კვლავ გამოიყენეს Shahed-ის ტიპის დრონები, თუმცა ყველა მათგანი საჰაერო ძალებმა და უკრაინის თავდაცვის ძალების მობილურმა საცეცხლე ჯგუფებმა გაანადგურეს, - იტყობინებიან უკრაინის შეიარაღებული ძალების საჰაერო ძალებიდან.
მათივე ინფორმაციით, რუსებმა წუხელ უკრაინას დროებით ოკუპირებული ყირიმიდან Shahed-ის ტიპის 9 დრონით შეუტიეს.
უკრაინელმა სამხედროებმა დრონები გაანადგურეს ექვს ოლქში: ხერსონის, მიკოლაივის, ხმელნიცკის, პოლტავას, ჩერკასისა და დნეპროპეტროვსკის ოლქებში.
რუსული ძალები უკრაინის ქალაქებს რეგულარულად უტევენ სხვადასხვა ტიპის იარაღით.