ივნისში თბილისიდან გერმანიის იმ ქალაქებში, სადაც ევრო-2024-ისთვის საქართველოს ნაკრების თამაშები გაიმართება, სპეციალურ პირდაპირ ფრენებს „ჯორჯიან ეარვეისი“ შეასრულებს. ამის შესახებ ინფორმაციას თავად ავიაკომპანია ავრცელებს.

მისი ცნობით, პირდაპირი ფრენები შესრულდება:

• თბილისიდან დორტმუნდში 17 ივნისს (გამოფრენა დორტმუნდიდან თბილისში 19 ივნისს);
• თბილისიდან ჰამბურგში – 21 ივნისს (გამოფრენა ჰამბურგიდან თბილისში 23 ივნისს);
• თბილისიდან დუსელდორფში 25 ივნისს (გამოფრენა დუსელდორფიდან თბილისში 27 ივნისს).

ბილეთები პირველი აპრილიდან გაიყიდება როგორც ავიაკომპანიის ვებ–გვერდზე, ისე მათ გაყიდვების ოფისებსა და პარტნიორ სააგენტოებში.