-პრემიერ-მინისტრობის კანდიდატი ირაკლი კობახიძე აცხადებს, რომ "საქართველოს დემოგრაფიის კუთხით სერიოზული გამოწვევები აქვს". ამის შესახებ მან საპარლამენტო ოპოზიციის ფორმატში მთავრობისათვის ნდობის გამოცხადების საკითხის განხილვისას ისაუბრა.

ჩვენ არ ვართ კმაყოფილი არც მიგრაციის მაჩვენებლებით, არც შობადობის მაჩვენებლებით, არც ქორწინება-განქორწინების მაჩვენებლებით. არის სერიოზული გამოწვევები, მარტივად ციფრებს, სტატისტიკებს რომ დახედავთ ნახავთ, რომ გამოწვევები არის ძალიან სერიოზული. თუ სადმე გვაქვს განსაკუთრებული სირთულეები, ეს არის პირველ რიგში სწორედ დემოგრაფია, რომელსაც სჭირდება ჩვენი, მათ შორის საქართველოს მთავრობის განსაკუთრებული ყურადღება", –განაცხადა მან.

მისი თქმით, ვიზალიბერალიზაცია მიგრაციას უწობს ხელს:

„ფიქსირდება ზრდა და ეს იმ პირობებში, როდესაც ჩვენ მივიღეთ ამ პერიოდში ვიზალიბერალიზაცია, რაც ბუნებრივია ხელს უწყობს ამ მიგრაციას, რადგან ადამიანები მარტივად, შედარებით იოლად გადიან ევროპის ქვეყნებში, რაც მანამდე ხელმისაწვდომი არ იყო. ვიზალიბერალიზაციის მიუხედავად ჩვენ მოვახერხეთ ნეგატიური ტენდენციის შეჩერება მიგრაციის კუთხით. სურათი არ არის კარგი, მაგრამ ტენდენცია შევაჩერეთ, 2014 წლის მერე საქართველოს მოსახლეობა გაიზარდა 19500 ადამიანით, მაშინ როცა 2004-2012 წლებში მოსახლეობა შემცირდა 225000-ზე მეტი ადამიანით, კმაყოფილი არა ვართ, ბედნიერი მითუმეტეს, არის ცუდი სურათი მთლიანობაში დემოგრაფიული კუთხით, მაგრამ ყველაფერს გავაკეთებთ იმისათვის, რომ დემოგრაფიული ვითარება ჩვენ ქვეყანაში გავაუმჯობესოთ და განსაკუთრებით შემდეგ 4 წლიან პროგრამაში ამისათვის ძალიან კონკრეტული ნაბიჯები იქნება შემოთავაზებული“.